كــداب_ياكــلام‬….قصيده للشاعر محمد سعيد

قراءة .. فى أخر أخبار التغريب !
مفتتح ..
لسه الشتا ..
مزعبب سمانا بالتراب
الغربه لطشت حلمنا
والحب .. متقيد غيـاب
—
كداب يا كلام
لو مش راح تحكى ..
ما جرالنا
لو مش هتســرخ وسط الخلق
على مليون قطع ..
ف أوصالنا
متـــلام .. متـــلام
لو عامل فيها بجد عبيط
مش لامس حبل الود التايك
ولا شايف نَـشَـع الجدران
وتْـحـذر حتى الماشى ..
ف ريح الحيط !
كداب لو قلت إن الغربه
ما طالتش لسه جوارحنا
ونسينا يا صاحبى إزاى كنا
وعشان هُنــا
أضعفها رياح بتطوحنا