الإثنين , نوفمبر 30 2020

ما أتقلو هالليل ….قصيده للشاعره كليمانس دلا

ما أتقلو هالليل
قاعد على صدر الوجع
وطاف العمر بالعتم
وتنهيدتو عم تنسمع
تخمين بيضوّي الفرح
هاك الدرب تَ ينقشع

صار الحزن رسّام
وعم بسأل الأحلام
وِن راح نارنج الوفا
ياشام
وِن غلّة الياسمين
وينو تعب السنين

بقعد على باب العمر
تاعدّهن لِ جْروح
و بحساب إيامي
كتاب القهر
مَ استقبل الأرقام

وقبر الفرح مفتوح
منفيق أو مننام
ويا سرّ العمر
رح تفضحوا الأيام
وسرّ لِّ جوّا الحبر
رح تفضحوا القلام

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: