الخميس , ديسمبر 3 2020

بعد ما انفض الفرح…..قصيده للشاعر محمد البلاط

بعد ما انفض الفرح
كام واحد فيه انجرح والعروسه كانت لمين
عشوه فى المجارى راحت
والامور فى بعض ساحت
واللى غنى فيه غنى
واللى رقص ريحته فاحت
والعريس خد العروسه والتعب للماعزيم
ليل طويل ارخى ستايره
غطى كل الموجدين
والببان اتقفلت
وفيه ناس ململت
وناس تايهه فى الكراسى من اللى شرباه سكرانين
واللى مشواره بعيد
فى الحساب بداء يعيد
ايه اللى دخلنى فى متاهه هو انا كنت عبيط
العريس خد العروسه
وتركنا ليه فى حوسه
عشوه فى المجارى راحت
والامور فى بعض ساحت
واللى غنى فيه غنى
واللى رقص ريحته فاحت
بعد ما انفض الفرح
كام واحد فيه انجرح والعروسه كانت لمين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: