برغم ان الإيد قصيرة ….قصيده للشاعر رمزي بشاره

برغم ان الإيد قصيرة
والعين بصيرة
وشايفه حالنا اللي احنا عليه
مش جايبه للموضوع ده سيرة
وحاجات كتيرة
مستحملاها واقولك ايه
مفيش كده فـ الجدعنة
ادعي وبرضو هاأدعي أنا
يحميكي ليا ربنا
بيكي هاأقدر عالوقوف
مش هتكسرنا الظروف
واحنا ويا بعضنا
•••
انتي مولاتي وأميرتي
انتي بس اللي قدرتي
تكسبي قلبي وخسرتي
أي شيء تاني إلا أنا
انتي طفلتي البريئة
الرومانسية الرقيقة
حلم واتحوَّل حقيقة
مش مبالغة أنا ف هَنا
•••
مش هاآقولِّك شاوري لو
عزتي نجمة م السما
مش هاأغني عليكي أو
هاآقول كلام فاضي إنما
من صراحتي ماتزعليش
حتى لو صحيح ماعيش
بس علشانِك باأعيش
•••
الحب ميزة مش عادية
موجودة فيَّ
وباأوعدك وعد وهاأوفيه
بنات كتير لما يشوفوكي
هيحسدوكي
على حد كل الحب ده فيه
كل يوم مفاجئتين
حضن بوسه عالإيدين
وأخاف عليكي م الهوا
هاأفرحك بوردتين
أو خروج مش فارقه فين
المهم نكون سوا