جهاز البنات //للشاعر والمؤرخ الموسوعي د. محمد ضباشه //مصر

جهاز البنات
محمد ضباشه

كان زمان المهر طَيَّب
قبل ما يغرى البنات
حتى ريحه كان قُرَيِّبٌ
لو جابولو العيد فتات
كان سكن عمره ما خَيَّب
أو بناه كتر الحاجات
بالقليل راضي ما عَيَّبِ
لما أصبح ذكريات

جه وداسو العصر بدري
قام وبحلق للجايات
بنتى قالت ليه يا فقري
لسه عايش ع السكات
بنت حرة وليا مهري
زى بدر الليل ساعات
لما يضوي يجرى ريقي
ع المدهب فى مرايات

قلت فين الشمس تجري
ويا ابوكي بالساعات
فين جبال الشوق تحول
عند ابوكي فى جنهات
أو خريف الفقر يسكن
فوق سطوحي أو يبات
لجل ما اجيب لك جهازك
أحلى من كل البنات

بنتى قالت حلمى يا با
يبقى عندى فى صالتى نيش
والستاير م الحراير
والمخدة تكون لى ريش
والكهارب من إيطاليا
اوعى يابا تقول مفيش
ابقى بين الناس معره
وانت ماسك فى اللى فات

قلت اه منك يا ستري
لما تنزل فى الحضيض
يتقطم ع البنت ظهري
والدموع حتما تبيض
م اللى داير فى البلد دى
واللى راحوا فى الحديد
يا ل نامى بكرة تفرج
أو يجينا الغيث ثبات

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: