المخرج هشام سليمان يكتب: البرنس

هذه القص حدثت معي منذ حوالي ٢٥ سنة

مش عارف ايه اللي فكرني بيها بس يمكن علشان اترحم علي امي و ابويا

بصو اللي حصل بعد وفاه ابويا الله يرحمه

جالنا تجار من وكاله البلح علي البيت ( احنا عندنا محلات كبيره في وكاله البلح ) بنبيع جنازير و حبال  وويرات و اوناش و خدمات السفن و المراكب

المهم بعد وفاه ابويا جم التجار علشان يشترو مننا نصيب ابويا في المحلات و يدخلو شركاء مع عمامي و انا علشان نزلت اشتغلت شويه في المحل فعارف يعني ايه تاجر يدخل في محل تاجر

و طبعا رفضت و فجاءه كده و انا في نص كلامي و لسه بقول احنا مش هنعمل كده

و زي ما بقولكم فجاءه التجار بصو لبعض و اقامو مشيو

و بعد ما وصلتهم للباب دخلت علي امي بقولها هااااا ايه رايك في ابنك

قالتلي بسم اله ما شاء الله عليك طالع لابوك الله يرحمه و اللي خلف مامتش

بس انت غلط غلطه واحده بس

انا بستغراب قولتلها ايه الغلطة

قالتلي انت قولت للتجار ان انت عدي عليك ايام مفيش عشره الاف جنيه في جيبي

المفروض تقول عدي عليا ايام مفيش جنيه في جيبي

فسكت لحظه كده و كررت الكلمة

صح انا بقول عدي عليا ايام مفيش عشره الاف جنيه في جيبي

و ضحكنا

بس ربنا هو اللي خلاني اقول كده
علشان لما التجار سمعو الجملة قالو لنفسهم لا مش هنعرف نضحك عليه ده برنس

و بقيت مشهور في الوكاله بالبرنس

الحمدلله كلمه قولتها غلط كانت سبب ان سعر نصيبنا في المحلات يزيد

الله يرحمكم يا امي و يا ابويا و الف حمد و شكر ليك يا رب

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: