الثلاثاء , ديسمبر 1 2020

رايه وسكينه النهرده….قصيده للشاعر محمد البلاط

رايه وسكينه النهرده
فى انتظارك بالبخور
جهزوا الذار وفوطه
قبل ما ترحل ثور
وافتكر ان اللى على
قادر يهد الجسور
قولنا انا بكره راحل
والرحيل ده شىء اكيد
قول فى عمره لو بكذب
او فى رحله تكون لصيد
المهم انك تقول
صنع الفلم الجديد
من الاداره كثير تعبت
وعقلى رشحه صبح صديد
قولنا انا بكره راحل
و الرحيل ده شىء اكيد
ومن الشهور احسب ثمانيه
ومن السنين احسب ثلاثه
فى كرسى عز قاعد ولابد
ونصابين لك مية مساعد
بعدها تكون الشحاته
والشحاته مش فلوس
او للقمه او غموس
الشحاته لحفظ روحك
بالبكى او حتى نوحك
دعوة المظلوم فى قوتك
لو فى برج من حديد
حتى لو غيرت لونك
جهز الفلم الجديد
وافتكر انك انانى
وكنت خاين وحويط
مهما تمكر او تخادع
من الاله سهم ورادع
للى يسرق واللى ينهب
واللى فاكر الناس عبيد
وعد الله اصله سابت
حتى لو الشمس غابت
وادريت بين الجحور
لعبتك كلها خابت
جهزه وفارق وغور
جهز الفلم الجديد
وانتظر قيد من حديد
رايه وسكينه النهرده
فى انتظارك بالبخور

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: