غير مصنف


.
سلملي على الحبايب اللي حاضر واللي
سجل في يوم غياب….
.
وقطع الصورة اللي نقصت أهل وقرايب وكمان صحاب…..
.
فيهم اللي الحياة خدتهم وفيهم اللي بمزاجه غاب…
.
وفيهم اللي فارقنا فجأة كأنه ملح في بحر داب….
.
.لو إتسالت قول ماعرفش..
لو فكروك قول مافتكرش…
وتعالى نحط فاصل بينا وبين اللي من بعد العشرة خاب…
.
وارسم دايرة كبيرة وحط فيها اللي ماينفعش يبقى منك واللي في يوم لسيرتك جاب….
.
واتكلم يالا بصراحة وكفاية هزار وسيبك من اللي اتنمر و
اللي عاب …
.
وافتكر اللي كان الجوع يجيبه ويمشي وهو معبي كرشه
ويطلب ويقولك عاوز كباب…..
.
واللي كان فيك طمعان وأنت غني و معاك قرش يمكن شايله ليوم هباب….
.
واللي وقت البرد كان محتاج منك
دفا وغطا و فرش بعد جسمه من البرد شاب….
.
واللي كان من نوعه عبد وأنت خليته ملك على عرش وإتنمنظر عليك ونسي انك يوم كنتو فيه أهل وصحاب….
.
كل دول لو خانو يبقوا من النوع اللي خسارة فيه الخير وببساطة إقفل في وشه ألف باب ..
.
وماتحزنش على حد فاتك ما إحنا شبعنا كتير عتاب…
.
واعرف
غيرة بأقصي سرعة وماتندمش ماهو الناس في الدنيا ياما وليه تبقى عليهم
واعمل لنفسك كرامة ماهو مش من قلة الصحاب…
.

نجوى حسيب

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى