الأحد , يناير 24 2021

أحمد رشدي يكتب ….شوفت فيديو منى البرنس الأستاذة الجامعية

مالك يا دبور كفى الله الشر، يخرب مطنك، فيك إيه يا واد عمي؟

شوفت فيديو منى البرنس الأستاذة الجامعية 

 ***برنس لما يبرنسك يا بعيد، وقعت ركبي، وبعدين دي ست بعراطة قوي، والناس اللي عتقول حرية شخصية، شخصية تبقي بطاقتك يا أخوي أنت وهي، الحرية الشخصية مش تخرج هبابة عن الذوق العام ومش دكتورة ترقص وترفع فيديوهاتها ع الفايص بوص وطلابها يعملوها شير وبير، دي تبقى زعلطة وقلة حيا 

#ولا البكيني يا علوان واد عمي ؟

***بكيني ولا تغديني يا دبور يا واد عمي، أنت مش مركز غير في النص التحتاني قبر يلمك ويلم العفشين 

#وهه يا علواني، تلاقيك شوفت الفيديو، ها شفته يا واد عمي، طالما ضحكت يبقى شفته يا أبو البكري ؟
 ***ههههههههههه ويا واد عيب على شنبك، دي ما عتعرفشي ترقص ولا تتقندل، ومفيش حاجة متظبطة مع بعضيها، يعني لما ترقص على “ليه بيداري” بتاعت البت روبي صاحبة العجلة، يبقى المفروض بيدري تبقى في الرقصة اللي طالعة لفوق مش اللي تحت، وبعدين هو ليه بيداري أصلا ؟ بس نعمة بت عمك جت 
$خير يا علوان فيه حاجة، إيه فيه يا دبور يا واد عمي ؟
 ***واد عمك دبور الدكش اتجنن يا نعمة وعايز يسافر مصر لـ أحمد ولد موسى وعايز قال يسأله سؤالين ؟
$خير يا دبور يا واد عمي، ماله إحمد ولد موسى؟
#يا بت عمي ده خرم طبلة وداني الكبيرة وكل شوية يقول دي مؤامرة أمريكية ع مصر، وأمريكا واسرائيل عيتآمروا على مصر وأنا بتابع زيارة السيسي ع قهوة #الشباب لقيته عيرقص بالعصاية قدام البيت الإبيض ف واشنطن، عايز أعرف ملته إيه ؟
****تغور السياسة، روحي يا نعمة اعملينا ٢٢ كابتشينو أبو رغوة أني واد عمك دبور، يعني زيارة السيسي هي اللي هترخص الكيمياوي و البرسيم، ولا عتقل الطماطم المجنونة، اهه كله كلام واد عم حديت، ورأي الشاذلي أبو دحروج واد عمك: يا مستني خير من ترامب، يا مستني إبليس يصلي بينا العصر 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: