ادلعي ادلعي….قصيده للشاعر سيد فيشه

ادلعي ادلعي
يمكن اللي خلقك
مخلقش غيرك
أدلعي براحتك
علي كيف كيفك
بكرة تبكي
بدل الدموع دم
لما أروح استخبي
في حضن غيرك
تكونيش فاكراني
هموووت ياعيني
لو عشت يوم
من غيرك
منكرش أني بحبك
بس لازم ياحلوة
علي أد متديني
هديلك
الحب أخد وعطا ياعنيا
وعمره ماكان أنانية
وللا فاكراني عيل
هشبط في ديلك
وللا فاكراني
طول عمري
هفضل أشحت حنانك
قيس مات من زمااان
ياست ليلي
والحب من طرف واحد
خلااااص البقية حياتك
أقولك
طريق السلامة
ياشربات
ربنا يصلح حالنا
وحالك