السبت , يناير 16 2021

وأنا رحت أخد بين ضلوعي….قصيده للشاعر ابو السعود محمد

وأنا رحت أخد بين ضلوعي
الملضومين بخيط أمل
رعشة إيديكي البردنين
متكلفتين في حض بعض
الخطوتين علي سكتك
صبحوا سفر..
ومن خوف لضهري ينحني
قبل الوصول
لسه بحاول اتسند
اترمي ف عنيكي
احتمي
علي صدر حيطة
في سكتك
مقدرتش ارجع سكتي
لسه الخطاوي مكتفة
وازاي أدوق طعم الدفا
وإديكي لسه بترتعش
فدويني من داء الخروج
علي سكتك أحلام وضالة
في ليل طويل..
ودويني من داء التنصت
علي خطوتك من ألف ميل
ودويني من داء الكتابة الشخبطة
فوق الطريق..
أرسم خريطة مستحيل
أصل انتظار طعم الدفا
من غير عنيكي انتحار
زي انتظار ضي الصباح
من غير ملامح للنهار

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: