الثلاثاء , يناير 26 2021

عبد الرحمن أيمن يكتب ….أهلا بكم في اللا لا لاند

الأحداث متلاحقة بشكل غير طبيعي والواحد مبقاش عارف يلاحق يكتب عن ايه ولا إيه ..

– يكتب عن ضياء رشوان وعماد جاد اللي اتخانقوا وكانوا حيمسكوا في بعض مع لميس الحديدي أثناء حديثهم عن الخطاب الديني .. مش فاهم واحد نائب رئيس مركز الأهرام للدراسات وعضو برلمان والتاني مرشح لمنصب رئيس أحد الهيئات الصحفية والإعلامية .. أما دول يمسكوا في بعض أومال احنا نعمل ايه 
 – ولا يكتب عن رئيس تحرير ومدير تحرير الأهرام اللي مسكوا في بعض عشان مقال وتم وقف الطبعة الأولى من الجريدة !! أكننا مثلا بنتكلم على جرنال بير سلم 
 – ولا البرلمان اللي أول ما حصلت التفجيرات وتم إعلان حالة الطوارئ راح على طول قالك نبدأ نناقش اتفاقية تيران وصنافير !! 
 – ولا عبد الرحيم علي اللي فجأة بقى مناضل وجرناله البوابة نيوز يتصادر يومين ورا بعض ويتوقف طبعاته عشان بيهاجم وزير الداخلية !!!
– ولا أحمد موسى اللي بيقولك النهاردة ان اللي بيفجر نفسه ده لازم يتحكم عليه بالإعدام شنقا
– ولا الزمالك اللي قاعدين منتظرين قدومه ورئيسه كاتب يافطة “نادي القرن الحقيقي” وبقاله  4 ماتشات مش شايف وترتيبه بقى السادس باين ولا ايه 

الخلاصة: أهلا بكم في اللا لا لاند

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: