الإثنين , يناير 25 2021

رشا فؤاد تكتب ….داعش_للإنتاج_الفني_والتوزيع

الضجة الي اتعملت علي فيديو داعش ومدي الرعب الي الناس كانت بتتكلم عنه كنت حاسة اني هفتح الفيديو الاقي أشلاء الجنود متناثرة وقناصين داعش من نوعية فاسيلي زايتسيف في فيلم enemy at the gates عمالين يصطادوا الجنود واحد ورا التاني وعداد الجثث شغال تحت ..
وأفتحت الفيديو يا مؤمن ألاقيه عباره عن مشاهد متفرقة لعمليات قنص معظمها فاشل وفي توقيتات مختلفة ومنها الي ظهر في فيدوهات قديمة
مصحوبة بشوية مشاهد تمثيلية لتدريبات مقاتلين التنظيم وطبعا نشيد جهادي ومعلق علي كلمتين لأبو بكر البغدادي وكل ده بهدف الحرب النفسية لا أكثر وعمليات القنص دي 5 منهم بس الي كانوا في مقتل
أه والله 5 بس في فيديو مدته 17 دقيقة فيه يجي 40 مشهد قنص
والله أعلم كمان هل الخمسة دول ماتوا ولا أنجاهم الله …وباقي الفيديو ما بين إصابات غير قاتلة أو طلقات طائشة والجنود بينبطحوا وينسحبوا وياخدوا ساتر
في مشهد منهم الطلقة جت فوق رأس الجندي بمترين تقريبا والجندي انبطح كإجراء طبيعي والمعلق بيقول : وجنودنا البواسل يقطفون رؤوس المرتدين
حتي الفيديو نفسه الي بعض الناس اتكلم عنه كأنه متصور بالأقمار الصناعية لقيته فيديو عادي جدا … أه متنفذ كويس والكاميرات المستخدمة في تصوير العمليات دقتها عالية بس في النهاية الفيديو مش هوليودي يعني وأقل بكتير من إصدارات سابقه .
أيوه عارفة ان الوضع في سينا زي الزفت وتسليح وتدريب الجنود كارثي وده ظهر بالمناسبة في الفيديو خاصة في مشهد الجندي الي السلاح علق منه وهو بيضرب اكتر من مره وزميله الي طلع كاشف ضهره للقناص كل دي مشاهد مؤسفة
لكن برضو الدواعش مش أشباح ولا خارقين مش بطلب الإستهانة بقدراتهم وكفائتهم لكن بطلب فقط منديهمش أكبر من حجمهم
فياريت نخلي بالنا لأن ده الاسلوب الي بينتشروا بيه بالمناسبة وهو طريقة الصيت ولا الغني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: