أخبار عاجلة

قصيدة الشاعر المجاهد عبد النبي بالخير : صبرنا وطول الصبر ذقنا منه

صبرناااا وطول الصبر ذقناااا منه …. امرااااراااات علقم زااااخمة في البنه
صبرناااا وطول الصبر ربي راااايد …. ودرنااااا لهن لياااام دير جوااااايد
مع عكسهن درنااااا اعزوم شداااايد … عليناااا واجب باااالشرع فرض وسنه
وفي ماااا مضى المذوب ليه عواااايد …. رفيقااااات في وقت اللزوم يجنه
ميتين من جنس الانااااث جواااايد …. وميتين من جنس الذكور احصنه
وفي وسطهن زباااااطهن باااالزاااايد ….وهن تحتهم في الامر يستننه
وميتين لا سمعن يجن جرااااايد …. بلا امر يلتمن عجل ياااااتنه
مكااافيت سبق والسروج جداااايد …. يسيرن مع المكرود يحمن عنه
وهاااا الوقت هاااا هو منفرد متكاااايد …. مع جيش متلفق ووسطه غنه
وجيش العرب من قبل خاااارب باااايد ….ياااا باااال هذاااا من عقااااب مدنه
رمااااه الصغى والوقت بيه تكاااايد …. لا عنتره لا جااااه لا له صنه
كيف من ينكرس في حباااال اباااايد … على بير غااااارق كيف بيسقنه
طوله كماااا دوفاااان والا زاااايد … والدااالو متمزق وفضلة شنه
يااااا جب خيوط المقط غزر جداااايد …. ويعمد منااااهل ياااا الله يرونه
ورود المطل وزغاااات غير شواااايد …. صمط من ورد عطشااااان ماااا يرونه
ويااااجب على ابناااادم الصبر بزاااايد …. مع الصبر يرجى للفرج يستنه
ابوااااب الفرج ع الرب موش مكاااايد …. كل من استنى خير من يتمنى
صبرناااا وعقب الصبر عناااا طول …. ومذباااال منه عن مكااااانه حول
مع ذبلته لسبد يبي يسول …. مع عكسهن ليااااام بيعااااادنه
يفوض أموره والكريم يعول …. يغير اياااام العكس يمشن عنه
وأماااا ابناااادم ايش يبغي ينول …. بلا قدرة الرحمااااان ماااا يتمنى
صبرناااا وعقب الصبر عناااا بااااطي …. واللى رفع العبد هو يواااااطي
كمين تبغي تصيب جبر تخاااااطي …. تبي تبلغ المقصود تقصر عنه
مخلوق والمخلوق حيطه واااااطي….. لأجله وقسمه دوم هو يستنى
حجااااب الضمااااير للظوااااهر غااااطي …. غفلات من غزر الجهل صاااابنه
يااااجب يفوض للكريم العاااااطي …. ان كاااان هو بغي يعطيه ماااا يتمنى
زااااخمه في ريقه ….. لين خلفن في الفكر منهن ضيقه
ياااااجب ابناااادم لا جفاااااه رفيقه …. يكمل عوينه قبل يصمل عنه
وبعدن فهم دربه وشور طريقه …. يبعاااااد من منقد حبيب المنه
خشوش الخلا للعبد خبر حقيقه ….. من رفقة اللي باااالمليحة تظنه
خزن لمااااجع في قلوب غريقه ** خير من عللهن يعقبن باااالغنه
خير من عللهن يخلفن حوحاااايه ** يااااجب رفيقك تحمه في سواااايه
وكاااان تقدر الثنتين هي الغاااايه ** وفي الثاااالثة برم جواااادك عنه
زااااخماااات صعيبه …. والصبر تااااريبه عليك مصيبه
يخللي رفيك وين تحمل عيبه …. يزيد بااااالخطى ماااا عااااد يرجع عنه
يستسهلك ماااا عااااد عند ريبه ….ويستحقرك في العين شينك غنه
زااااخماااات غزيرة …. لين خلفن في الفكر منهن حيره
والصبر تااااريبه عليك نكيره …. معاااااه لا تصير العنترة لا صنه
يخللي رفيقك كل شئ يديره …. يغير حقوقك لين تصمل منه
وبحاااال ماااا تااااجد معااااه بصيره …. حتى لفظ بشي يرجع عنه
ولله ياااا لولا شمااااتة غيره …. من اللي عدو في التاااالية يستنى
يصير رااااي يصعب على تدبيره …. طلاميس ماااا يااااجد معااااهن بنه
تفطن عيون الناااايمات كثيره …. في ماااا مضى كاااانن سهاااايااااا عنه
وبعد الرفق عنه حقوق كبيرة …. تكميل هاااا المشواااار لسبد منه
سوى طولت والا سوى تقصيره …. اتمااااامه وجب لين الرفق يتهنى
وبعدين تااااجب فرقته بااااالشيره …. خير من يقول اختاااار نفسي منه
كاااان واااافقك يبدى فهم تدبيره ….. وكاااان خاااالفك برم جواااادك عنه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.