خالد عاشور يكتب :بيت_فرح.. حين يصبح الزمن مهمل.

مسلسل بيت فرح مصنف انه مسلسل اجتماعي .. هذا الجانب نجح فيه المسلسل رغم ان السيناريو والأحداث أغفلت عامل الزمن.. فمن الحلقة الأولى بدأ الزمن طبيعياً.. ثم من الحلقة السادسة وحتى التاسعة عشر تلاحقت الأحداث وتوقف الزمن.. “فرح/فتحي عبد الوهاب” بيخرج من المستشفى بعد حادث.. “د.مالك /الفنان محمد على رزق” بيتحصل مشاكل بينه وبين مراته “الفنانة ليلي حسين” وبيفشل في عملية ومراته بتتامر عليه علشان تاخد منه كل حاجة واقسام شرطة ونيابة وبوليس وتحقيقات واحتجاز للدكتور مالك و”ورد/سمر علام” بتروح القاهرة للبواب “سليمان عيد أو فتح الباب.. و”حنين/الفنانة مروة عيد” بتهرب من جوزها “عابد العناني” وبيقدم فيها بلاغ انها سرقت منه فلوس وبتستخبى 3 ايام عند “الأستاذ فرح.. منهم يوم بتبات فيه هي و”ورد وجينيفر وحنين”في غرفة البواب.. ويوم تاني في شقة الأستاذ فرح هي والثلاثي “ورد وجينفير ومرات البواب “ربيعة/الفنانة فدوى عابد” كل ده في 3 ايام.. وابن خالة ورد في المنصورة والده بيعرفه على واحدة بنت صاحبه وبيستضيفوهم ويغدوهم وامه بيقع عليها زيت وبتروح المستشفى والبنت بتحاول تتعرف على “محمود” اللي بيحب ورد.. وبيتفقوا على الخطوبة وبيعملوها.. وبيروح الأستاذ فرح ياخد حق كل واحدة منهم.. بيروح لعابد عناني زوج “حنين” وبعدها بيسافر المنصورة لأهل”ورد” .. ده كله تقريبا في 3 ايام.. ثم نيجي للدكتورة “عاليا/الفنانة داليا مصطفى” اللي بتدي طلبتها في الجامعة دروس خصوصية في شقتها.. المهم تحصل خناقة بينها وبين طالب من الطلبة.. تحتد عليه فتضربه بالقلم.. وسبحان الله تاني حلقة بيتصل بيها “عميد الكلية” يبلغها انها موقوفه عن العمل في الجامعة لأن متقدم فيها بلاغ من طالب عندها في القسم.. خد بالك “مش طالب بتدرس لها مادته”.. لأني مثلا ممكن كدكتور جامعة في كلية علوم.. واكون بادي محاضرات لطلبة في كلية طب او صيدلية او اسنان او زراعة أو حتى كلية تجارة.. مش ده المهم.. المهم ان المسلسل الزمن فيه تباطؤ زمني رغم كثافة الأحداث.. وكأنه بيحقق نظرية اينشتين للنسبية الخاصة… والأهم ان فيه احداث قانونا لا تصح منها مثلا موضوع ان عميد الكلية.. وده واضح من مكالمة د. عاليا مع الدكتور اللي بتكلمه وبيبلغها انها محالة للتحقيق بسبب الواقعة.
طيب بالنسبة للجزء ده.. قانون تنظيم الجامعات في خصصوص المنطقة دي وخاصة ان الطالب تقدم لرئيس القسم او عميد الكلية اللي المفترض انهم يحولوا التحقيق برمته الى رئيس الجامعة اللي بدوره يقوم بتحويل الموضوع لمكتب التحقيقات بالجامعة المنتمي لها عضو هيئة التدريس. ويتم ارسال خطاب رسمي لعضو هيئة التدريس المحال على عنوان سكنه الرسمي المثبت في ملف خدمته وخطاب الى كليته وبدوره الى قسمه ويكون مكتوب عليه “سري وشخصي” ويحدد لعضو هيئة الدريس المحال من هو المحقق واسمه ووظيفته ومكان التحقيق وزمانه ويكون قبل التحقيق بفترة تسمح له بتجهيز محامي او مستندات تقوي موقفه ويكون في الخطاب نوع التهمة الموجهة له.. والتحقيق معه يكون من عضو هيئة تدريس لا يقل عنه في الدرجة العلمية او يساويه.. ولرئيس الجامعة فقط ان يوقفه عن العمل لمدة لا تتجوز 3 اشهر يجوز للمحقق مدها بعد موافقة رئيس الجامعة وبعدها يتم احالته الى مجلس تأديب اعضاء هيئة التدريس وخاصة لو كانت التهمة تخل بواجباته الوظيفية كاعطاء الدروس الخصوصية.. وان لا يكون التعامل من رئيس الجامعة او مكتب التحقيق الا من خلال خطابات رسمية لا عن طريق الهاتف أو شفاهية او الأيميل.
هذه واحدة من مشاكل المسلسل بالأضافة الى مشكلة الزمن الممطوط واللي ربنا مبارك فيه وبيحصل فيه كل ده في 3 ايام.
الشئ الجميل في المسلسل هو الأستعانة بطفل من اصحاب الهمم.. شئ يحسب لصناع المسلسل والمخرج.. بالطبع سبق وان استعانت المخرجة “مريم ابو عوف بذوى الأحتياجات الخاصة في مسلسل “وش وضهر” وكانوا غاية في العظمة.. كما يحسب لحسين فهمي في افتتاح مهرجان القاهرة السينمائي الدولى 44 الأستعانة باصحاب الهمم وذوي الأحتياجات الخاصة.
واتمنى ان يستمرهذا النهج وان يجدوا فرصتهم وان لا يكون هذا نوع من البروباجندا.
#بيت_فرح مسلسل كان لا بد من مراجعته زمنيا وقانونيا..السيناريو به مناطق ضعف كثيرة بكل اسف.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.