جريدة العربى اليوم الاخبارية
الشاعره:رضا أنور
*************
ظلام حالِك
ومين يسأل علي حالك
كتير منه مابيسرش
ولفة صُرّه مالأوجاع
كتير منا فى صف وداع
بنحزن لحظه ونعيط
وناس ف الهيصه بتزيط
وبتليط بأى كلام
سنه أوجاعها جوانا
ملحقانا
سايبه مالعلام كراريس
عاشرنا فيها من الغالي
لحد كان هش رخيص
بلاش تهجيص
حياتنا اشبه فى يوم لعبه
فركش ورقها مالتفليس.
كلام معلول
ومش عارف يروح علي فين
وصوره لذكرى منقوشه عالكفين
طب نعمل ايه عشان ننسي
سابونا نحصد الأوجاع
و موت للقلب لكل وداع
لنهايه رحله بلاعوده
مفيش ولا حد يستاهلك
خلاص القلب مستهلك
