ورود

شعر:د.وفاء بغدادي
************
وردة أولى
نيل
كوبرى
وسعادة بترسم بنت لأول مرة
ست عجوزة بتاعة ورد
بتصر الوردة الأولى تكون مجانا
شمس صعبانة عليها تروح
حاضنة النيل وبتترجاه يستنى
مش عايزة تسيب الضلمة ف عين البنت
ومراكبى بيعشق صوت ضحكتها
بيشق النيل قلبين ويسكنهم قلبه
وردة تانية
نيل
كوبرى
خوف بيحن لوجعه
بيرجع بيته ف قلب عنيها
ست عجوزة بتاعة ورد
تسحب روح الشمس
فتزور الضلمة عيون البنت
ومراكبى يقفل بكرة بأغانى مصالحة الحزن
وردة تالتة
بنت ف قلب النيل
بتحاول تمسح دمعه لآخر مرة
قد تكون صورة ‏نص‏
 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.