الثلاثاء , يناير 19 2021

ربيع الحسيني يكتب : شوفوا ولادكم بتودوهم فين وبيتعلموا ايه !

تانى .. وتالت ورابع .. الجمعيات المشهره بتصريح او بترخيص من وزاره التضامن الاجتماعى
او وزارة الخدمه الاجتماعيه سابقا .. بتقوم بعمل مشروعات خدمة مجتمع .. منها مشروع
الحضانات .. والحضانات مش مؤسسات تعليميه .. الحضنانات مؤسسه ترفيهيه للاطفال حال غياب
الام للعمل مثلا .. الجديد بقى انك عاوز تحفظ ابنك القرءان وتقوم باعته حضانه من اللى
بيسموها الحضانات الاسلاميه .. طيب بغض النظر عن ان السن لا يسمح بالتعليم لانك بتحرم
الطفل من مرحله طبيعيه للهو.. انت عارف هما بيقولوا لابنك ايه؟؟ طب انت عارف بيفسروا
الاحاديث لابن او بنتك ازاى ؟؟ طب انت عارف ابنك بيدرس ايه غير التحفيظ ؟؟؟ ولاااا
اى حاجه من دى انت عارفها … الولد شاف المدرسه ف الحضانه منتقبه .. ولو سالها عامله
كده ليه هاتقوله ربنا امرنا بالنقاب .. اصبح الولد شايف امه مش ملتزمه .. وانها مش
بتسمع كلام ربنا .. فمن صصغره بيرفض امه لانها غلط .. ويبتدى يستقبل اللى اعتقد انه
الصح من نفس المدرسه .. الى بتقوله معنى المغضوب عليهم هم اليهود .. والضالين هم المسيحين
.. صلاة النبى .جابت التفسير منين ؟؟ لا هما قالوا لها لازم تفسريه كده حتى ولو غلط
. ف لحظه الولد بيطلع من الحضانه اول ما يشوف مسيحى بيفتكر اللى اتقالل عنه .. فبيكرهه
بدون اى تعامل معاه .. هو كده وتعلم كده .. ناهيك عن ان التعلييم ف هذه الحضانات بطريقه
نور البيان .. وما ادراك ما نور البيان .. واصل الكتاب اسمه المرشد .. اسم يظل عالقا
بعقل الطفل .. لانه اول كتتاب فى حياته .. فيخلق عنده شعور بالانتماء للمرشد .. زى
ما كلنا شعرنا بالانتماء لكتاب سلاح التلميذ .. الخلاصه هناك دور على الدوله ووزاره
التضامن الاجتماعى للاشراف الفعلى على هذه الحضانات .. ودور على كل اب وكل ام .. شوفوا
ولادكم ف الحضانات بيدرس ايه وبيتعلم ايه .. والاهم.. من مين ؟؟ وعشان مبيبقاش كلامى
بدون سند دليل حى اهو من ام فاضله وده كان تعليقها

ــ انا
ابني كان ضحيه الحضانات دي كان شاطر ومتميز ومتفوق وفعلا كان بيعلموه ان ابرهه كان
عايز يهدم الكعبه ويبني كنيسه ودا كان اول خلاف الاحظه وبعدين اتهببت ودخلته ازهر وكملت
علي الطين بله وكانوا بيحيو العلم ويقولوا المجد للاخوان في طابور الصباح ..وطبعا انا
دولجيه وقتها كان ابني يقولي ياماما بيسالوني انت مرسي ولاسيسي كنت اقله قول انا بحب
مصر وبس لغايه لما صمموا صحابه في الباص انهم يعرفوا وقالهم سيسي اخد علقه وكان في
تانيه ابتدائي اعتدوا عليه بالضرب وقلعوه الجزمه والسواق كان متواطئ سابهم يضربوه ودا
كان اخر عهدي بيهم وبهدلتهم وههددتهم بامن الدوله ونقلت ابني لمدارس عاديه فيها مسلم
ومسيحي

ــ شوفوا
ولادكم بتودوهم فين وبيتعلموا ايه .. بدل ما تتفاجىء انه راح مع داعش او بيفجر نفسه
وسط ناس بيعتبرهم مرتدين .. ومش بعيد يكفر ابوه وامه زى ما شوفنا حالات كتير كده

اللهم
قد بلغت اللهم فاشهد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: