رثاء …..قصيده للشاعره حنان عامر

حنين ..لسه فينا وفات سنين
سنين .. فاتت وزودت فينا الحنين
لسه حبك جوه دمي
لسه عايش جوه مني
سنين تاخدني وسنين تجبني
وذكري حبك مش سايبني
ياللي قلبك كان عاشقني
ولحنانك كان واخدني
عمر قلبك ماغدر
عارفه بعدك كان قدر
بس اعمل ايه في شوقي ليك
وذكرياتي في حبي ليك
عمر قلبي مايوم نسيك
داب حنين وحب فيك
عاش حياته ليك وبيك
كان قدرنا نعيش حياتنا
وتبقي فينا ذكريتنا
ذكري حب وعمر فاتنا
ومن الانين نسمع اهاتنا
خليك ياذكري عشقنا
خليك بشوقنا في قلبنا
ومافيش نهايه لحبنا
ماانت قصه عمرنا