النعجة.. تاريخ موجز للحاكم وحكمه.. #بدون_ذكر_أسماء

كتب :خالد عاشور
الفنانة فريدة سيف النصر من الفنانات القريبين لقلبي.. فنانة كبيرة وقدمت أدوار كتير فيها بهجة وخفة دم وتنوع.. لكن من وجهة نظري أن اهم ادوارها على الأطلاق هو دور “أصيلة ابو القمصان” أو “النعجة” في مسلسل بدون ذكر اسماء.. ولن السيناريو اللي كتبه عمنا وحيد حامد واحد من اعظم السيناريوهات اللي كتبها او أتكتبت عموما في تاريخ الدراما المصرية فكان دور “النعجة” واحد من اعظم الأدوار اللي عاشتها بروحها وخبرتها كفنانة كبيرة.
تاريخ الشعوب والمصريين مع الزعماء اللي حكموهم واستعارة اسم كشفرة بيسموه به طويل.. عبد الناصر كان بيهتم بالنكت اللي بيقولها الشعب المصري سواء كانت سياسية او إجتماعية أو جنسية او حتى عادية.. النكت دي لها اسقاطات سياسية ولها مدلول على حالة المجتمع ورؤيته للنظام وادارته للدولة.. اما فيما يخص اسم كل زعيم من قبل 1952 كان الملك فاروق واللي قبله بينولهم من استعارة اسم بيطلقوه على الحاكم.. اي اسم مستعار للحاكم الشعب بيختارة بيكون دايما له مدلول واسقاط على فترة حكمه وتحليل سيكولوجي ذكي من الشعب للحاكم وعقليته وادارته للدولة.
شخصية “النعجة” من اجمل الشخصيات اللي في المسلسل.. صحيح ان كل شخصيات المسلسل مهمة واتعملت ببراعة وروعة من الممثلين وقدرة المخرج تامر محسن انه يطلع منهم افضل ما فيهم.. لكن شخصية “النعجة” اللي قامت بها الفنانة القديرة “فريدة سيف النصر” غاية في التعقيد والبراعة والجمال.
ولأن المسلسل ذكاءه وروعته من بداية اسمه انه بيقول كل حاجة بدون ما يقول اسماء.. أو بالمختصر “بدون ذكر اسماء” الشخصيات الحقيقية والهيئات الحقيقية والمسئولين الحقيقيين .. احداث من الواقع.. بس بدون ذكر اسماء او الأشارة الى هيئات بعينها.. في لقطة الست “أصيلة أبو القمصان بتتكلم عن مجتمع الشحاتين والمتسولين.. كأنه اسقاط عن الدولة كلها في اختيار فئة معينه منه.. أصيلة ابو القمصان او النعجة هي رئيسة الشحاتين.. هي عارفة ان الرعية من المتسولين اللي بتحكمهم بيسموها “النعجة” .. بيبسطها ان المحكومين او اللي بتحكمهم خايفين منها وجبناء.. أو زي ما بتقول :
” أن محدش فيهم قدر يتجرأ ويقولها في وشي.. أنا فرحانة علشان انا مزاجي كده.. عايزة اشوفهم جبناء على طول”
شوفت ذكاء زي كده.. شوفت اسقاط زي كده.. شوفت جمل بسيطة بتعبر وبتوجز تاريخ طويل من المسميات والأسقاطات اللي المجتمع بيلخص بها في اسم مستعار للحاكم كانتقام داخلي أو تلخيص لسيكلوجيته وفترةحكمه في اسم بيكون موجز لتاريخ الحاكم وحكمه.
الفيديو أول تعليق.
قد تكون صورة ‏‏شخص واحد‏ و‏نظارة‏‏

شاهد أيضاً

الرحلة… إحتفالية بمناسبة مرور 30 عامًا على تأسيس الورشة  

كتب : علي عليوه  تستضيف مكتبة الاسكندرية من خلال بيت السناري احتفالية فنية وثقافية تحت …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: