الثلاثاء , سبتمبر 22 2020

قصيدة حلمنتيشى ..قصيده للشاعره عواطف حافظ

قصيدة حلمنتيشى ..

وانتى دايرة بتشحتى
بقصيدتى كلمة
من الرجال
خلى بالك
نبضى قادر يفضحك
ما القصايد زيها زى العيال
فكرة ف رحم وجدانى برعمت
وكان وجعها فى كتابتها
فوق كل احتمال
سهرت ياما لجل تكمل
وكان كمالها كما المحال
كنت بفرح
لما حرفى يشد حيله
واما أشوفه حاضن سطورى
كنت بارقص
شىء خيال
كنت باحلم بيه قصيدة
كل من يقراها يشهد بالبراعة
وبالجمال
وانتى جاية ف ثانية واحدة
تخطفيها
خيبة تاخدك
سيبتى ايه
يعمله فيا الشيطان
ما القصايد زيها زى العيال
بتحس باللى فيها اتوجع
واللى ف لحظة
سرقها وخلع
لجل ما يتسول بيها
كلمة حلوة
فيه تتقال ..
.
.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: