الثلاثاء , ديسمبر 1 2020

ممكن اكون فاهم غلط …..قصيده للشاعر محمد البلاط

ممكن اكون فاهم غلط وممكن يكون فكرى ذلط
وبالاصول والعقل ممكن انضبط
بس السؤال لو من عيال بأيه تجاوب اللى شبط
وانسى انى شاعر ولى مشاعر
واعتبر ان السؤال من طفل فى جنابك شبط
وسؤالى ليك يمكن يكون شبه حجر
فى عصفور ضعيف جيه واتخبط
حكامنا ليه متسمره فى الكرسى ليه وبتتربط
واشمعنا دينا اللى هانوه وفسروه بكل عبط
مين اللى داوم على الصلاة
ومين اللى حطوه فى مقصله
ومين اللى فتح مخزنه وبسلاح ولاده فرفره
مين اللى استعبد بشر والوعظ عمره ما غيره
مين اللى خد خير الوطن وبفجر نهبه وسفره
مين اللى طاطى وانحنى وغمض عنيه يمكن سنه
عن قدس فيه بيدمروا
مين اللى ساب حق الوطن علشان يكون هو الصنم اللى بجلاله يقدروا
ممكن اكون فاهم غلط وممكن يكون فكرى ذلط
وبالاصول والعقل ممكن انضبط
واعتبر ان السؤال من طفل فى جنابك شبط
الحرب فى بلاد العرب سببها كرسى ولا لبط

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: