الأربعاء , نوفمبر 25 2020

ستوتة اللتاته فى عيد الأم .. قصة قصيرة لـ : مي شريف

 استيقظت ستوته مبكرا جدا على غير عادتها واخذت تفتش فى جيوب سى محفوظ عله يكون قد تذكرها بهديه فى هذا اليوم المفترج لكنها لم تجد الا هديتين فقط احداها باسم ام ستوته والاخرى باسم ام محفوظ كان قد اشتراهما محفوظ قبل عودته للبيت ليلة امس فبدأت الموشح المعتاد بصوتهاالعالى (يا خيبتك يا ستوته يا نيبتك يا ستوته الراجل ما افتكرش انك عايشه معاه ولو حتى بمنديل ااااه يا مرارك يا ستوته يا خيبتك التقيله ) فاذا بمحفوظ يستيقظ صبحنا وصبح الملك لله مالك ياوليه بتندبى على ايه على الصبح منك لله طيرتى النوم من عينى وانا راجع امبارح هلكان اشوف فيكى يوم يا ستوته ستوته : يا لهوى عليك راجل من دون الرجاله ولك عين تتكلم وتدعى عليا بعد اللى عملته محفوظ : وانا عملت ايه يا وليه انت : ماتصطبحى وتقولى يا صبح ستوته :ولك عين تسأل وتقول عملت ايه واحد غيرك كان اعتذرلى على عملته السوده محفوظ :ما تنطقى يا وليه وتقولى بتندبى على ايه ؟؟وايه اللى انا عملته !!!! ستوته : طب بزمتك مش عارف ولا فاكر ولاانت عامل فيها ناسى ؟؟!! محفوظ: يا وليه طلعتى روحى انطقى بدل ما اقوم اوريكى النجوم ع الصبح ستوته :بقى كده يا محفوظ ما تجبليش هديه فى يوم زى ده ولا حتى تفتكرنى بكلمه فقام محفوظ مسرعا اليها وقدجذبها من رأسها قومى فزى كده وبصى على التسريحه يا ام مخ زنخ ايه ده؟! ستوته :علبه صغيره ومكتوب عليها ربنا يخليكى ليا يا ستوته !!! ودى يطلع فيها ايه بقى العلبه دى يا بخيل!!! محفوظ :افتحيها الاول قبل ما اتهور وافتح نافوخك وارقدك فى المستشفى النهارده ستوته : يا لهوى بالى ده خاتم دهب يامحفوظ محفوظ : ايوه يا ام مخ زنخ عشان تعرفى غلاوتك عندى بس ستوته :اخص عليا وعلى دماغى سامحنى يا محفوظ بس باردوا انت الغلطان محفوظ :ليه بقى؟ ستوته : ازاى ما تصحنيش امبارح وتديهالى ولا عايز تعمل فيها زى الواد محروس جوز البت سعاد بنت ام ابراهيم ال عامل لها مفاجأه وفى الاخر طلع جايب لها طقم كوبايات من الصينى ابو 25 جنيه وفى الاخر طلع نصه مكسور قامت الدنيا وما قعدتش وهى غضبانه عند امها من ساعتها والا البت عزيزه بنت الجيران ولا……… ولم تكمل ستوته !!!!! لان محفوظ هذه المره قد وضع يده على فمها وكتم الكلمات وقال ايوه يا ستوته كنت عايز اعملهالك مفاجأة بس الظاهر كله بيطلع على نافوخى فزى بقى اعملى لى فطار عشان نلحق نروح لامى ولامك ستوته : حاضر يا سى محفوظ فطار وغدا وكل اللى انت عايزه تسلم لى يا محفوظ. . . . ويجعله عامر . . . . مى شريف

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: