السبت , سبتمبر 19 2020

د. محمد فاروق يكتب : حضرتك بتكره السيسي ولاّ بتكره مصر ؟!

 

دولة من دول البترودولار
!! يوم واحد تحت الحصار خلاها على وشك الانفجار ، خلاها ترضخ لكل شيء ، خلاها تطلب
وساطات لحل الأزمة . دولة غنية أغرقت العالم بمليارات الدولارات للتخريب والإرهاب والعمل
الخبيث ، مليارات من الدولارات تم إنفاقها على شراء إعلام غربي وعربي ، مليارات تم
إنفاقها رشاوى وعمولات وإتاوات وبلطجة ، دولة لها تصنيف عالمي من ضمن الخمسة دول الأولى
في إنتاج النفط والغاز ! يوم واحد من الحصار خلاها بتفكر بس في السلع الغذائية والاستراتيجية
علشان الشعب ممكن يجوع ! ده غير الأدوية والمستلزمات الطبية وكل ما يطرأ جديد مع طول
مدة الحصار !

مصر عاشت من
2011 وحتى الآن بتاكل وتشرب وتصرف رواتب موظفين وتحارب إرهاب وتعمل تسليح للجيش وللشرطة
! لا طلبنا وساطات ولا بيعنا ذمتنا لحد ، بالعكس تماماً !

الخاين اللي كان
له عندنا مليارات من الدولاارات سددناها واحنا في عز الأزمة علشان ماحدش يلوي دراعنا
أو يتحكم في قرارنا !

وقفنا قدام دول كتير
على رأسها المملكة العربية السعودية وقلنا لأ لضرب سورية !

بنساعد ليبيا عسكرياً
علشان تفوق وترجع لأهلها بالسلامة !

إتحدينا الدنيا كلها
علشان ماحدش يلوي دراعنا ويطلب مصالحة مع الإخوان سواءً الاتحاد الأوروبي أو أمريكا
في عهد أوباما !

مش بس كده :

إعتمدنا على نفسنا
وفكرنا نعمل اكتفاء ذاتي من القمح علشان ماحدش يحرمنا من رغيف العيش ، وعملنا صوامع
للتخزين في زمن قياسي تاريخي !

حلينا مشاكل الكهرباء
وعملنا اكتفاء ذاتي علشان الشعب يرتاح من مشكلة ضخمة عاشت سنوات وسنوات ، ووفرنا دولارات
كتير كانت بتتصرف على قطاع الطاقة !

فكرنا بسرعة وعملنا
مصانع لألبان الأطفال وللأدوية علشان ماحدش يضربنا في مقتل يوجعنا في أطفالنا ومرضانا
! ونبدأ نعتمد على نفسنا في القطاع ده ونوفر كمان عملة صعبة كانت بتتصرف عليه !

كل ده بيحصل واحنا
بنحاول كمان نرفع الاحتياطي في البنك المركزي .

إيه العزة والشرف
اللي فيه البلد دي ؟
 

حضرتك
بقى بتكره السيسي ولاّ بتكره مصر ؟!

إللي حصل في قطر
ده سياسة مصرية 100% ومش محتاجة فلسفة أو انتقاص من دور بلدك ، بلدك أكبر منك وأكبر
من تصوراتك المريضة ، بلدك أكبر حتى من إنك تكذب على نفسك وتصدق الكذبة !

طوال 5 سنوات كانت
مصر بمفردها بتقول إن قطر إرهابية وتضر بالشأن الإقليمي ، مجلس التعاون الخليجي من
شهور رفض إقحام قطر في بيان وزارة الخارجية والداخلية المصرية فيما يخص القبض على عناصر
اعترفت بتمويلها وتدريبها عن طريق قطر للقيام بأعمال عدائية متطرفة في مصر !

5 سنوات بنقول فيها
افهموا يا ناس إن قطر دي عقربة ، ودوركم جاي .

جاي النهارده عايز
تقنعني إن مصر مجرد تابع لقرارات قطع العلاقات مع قطر ؟ يا أخي اختشي على دمك !

خطاب السيسي
” مصر ” في القمة الأمريكية الخليجية عندك ، ومش محتاج فلسفة :

” يجب مكافحة
ظاهرة الإرهاب فيما يتصل بالتمويل.. والتسليح.. والدعم السياسي والأيديولوجي.. فالإرهابي
ليس فقط من يحمل السلاح.. ” أومال مين يا سيسي ” ؟

قالك : وإنما أيضا
من يُدربه.. ويُموله.. ويُسلحه.. ويُوفر له الغطاء السياسي والأيديولوجي و الملاذات
الآمنة لتدريب المقاتلين ومعالجة المصابين منهم ، وإجراء الإحلال والتبديل لعتادهم
ومقاتليهم ! ومَن يشتري منهم الموارد الطبيعية التي يسيطرون عليها.. كالبترول مثلاً
، ومَن الذي يتواطأ معهم عبر تجارة الآثار والمخدرات ، ومِن أين يحصلون على التبرعات
المالية ، وكيف يتوفر لهم وجود إعلامي عبر وسائل إعلام ارتضت أن تتحول لأبواق دعائية
للتنظيمات الإرهابية !

يا بنت الذين يامصر
، ولا عمرك بتموتي ، مهما شفتي بتفضلي إنتي الكبيرة

يا صاحبة المكان
، يا أقوى من الزمان . 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: