السبت , سبتمبر 19 2020

مش هعاتبك….قصيده للشاعر سهل بن عبد الكريم

مش هاعتبك

 ومش هالومك

ومش ها اقول ..
ياريت  يومي قبل يومك

مش هفتكر ازاي حبيتك
وازاي كنت تاريخك. .
 وكل همومك

روحك سكناني
سنين .. عمري 
وأنا لسه .. محتاجلك 
ليلي  وامسي

مش هعاتبك ومش هلومك

ومش قادرة انسي
حكايتي معاك
ومش بيعوضني
 غيابك اي حد

يمكن لان الشوق جنون
خلي ملامحك
تترسم بوجوه الناس
 وأي حد

شوقي ليك مالوش حد

انا عايزة اقولك محتجالك
واني دايبة في هواك
 نفسي تسمعني بجد

صوتك حكاية 
ضايعة فيها 
وضايعة مني 
لكن خايفة
 يداري علي كلامي غرورك

كنت اسعد روح بحبك
 كنت حرة جوه سورك

كانت الاحلام معاك 
تخلق كل يوم قصيدة
 وعيوني عنوان لمنشورك

كنت ببعت روحي
تبوس عيونك
كنت ببعت عيوني
 تزورك

مش هعاتبك
ومش هلومك
عاتبني انت
لومني انت
وانا والله هصالحك
اغرسني في ارض العشق
 بذورك

خليك ملك
 وسبني أعطر بروحي قصورك

انا مش هعاتبك
عشان بحبك
ومش هلومك
عشان بستني
يعدي الوجع
وارجع 
 وأكون نورك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: