الأربعاء , سبتمبر 23 2020

د. علاء حمودة يكتب : اتضح إن كلنا خونة

اتضح ان كلنا خونة..
الرئيس و الجيش و المخابرات و الخارجية و الداخلية.. و أنا.. و حضراتكم.. كلنا خونة و بنبيع الأرض..

عبد الناصر قبض لما قدم خطاب لمجلس الأمن بتاريخ 27 مايو 1967و قال انها مش جزر مصرية..

و مبارك قبض لما طلع القرار 27 لسنة 1990 و خاطب بيه الأمم المتحدة و طلع الجزر برا الخط الحدودي المصري..

و السيسي قبض..

و سامح شكري قبض..

و المخابرات قبضت..

مفيش فينا واحد بس.. واحد بس… شريف مابيبيعش..!!

و لا واحد.. لا.. كلنا قبضنا و بعنا الأرض..

و الشرفاء الوطنيين اللي مقبضوش هم:

القرضاوي..

ابن القرضاوي..

شبكة رصد..

الجزيرة..

باسم يوسف.. حجي..

عبد الرحمن عز..

أحمد المغير..

عمر محمد مرسي..

محمد العمدة.. و باقي التحالف الإخواني الإسلامجي.. و آيات عرابي..

و غيرهم…

يبدو إن محدش اتعلم أي شيء..

نفس نغمة يناير الهبلة..

المخابرات خونة و جواسيس بيفرطوا في الأرض.. و أنت مش واثق فيهم..

و الإرهابيين و داعميهم وطنيين و شرفاء و أنت مصدقهم…!!

دول الشرفاء الوطنيين.. اللي بتردد كلامهم…

مستنيين إيه طيب؟

هي مش طالبة تنظير فارغ..

انزلوا يا ريت مع الشرفاء دول..

خليكوا متسقين مع نفسكوا.. و انزلوا اتخلصوا مننا و احرقوا اقسام الشرطة و اضربوا وحدات القوات المسلحة الخائنة دي.. اتخلصوا منهم..

و هاتوا شرفاء الإخوان و داعش و داعميهم من الثورجية يحكموا..

طالما أنت شايف دول خونة و دول شرفاء.. يبقي انت تستحق الشرفاء دول يحكموك عن جدارة..

و المرة دي للأبد..

بالتوفيق..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: