الجمعة , سبتمبر 18 2020

من ريحتك ….مقطع شعري للشاعره نور النبيل

من ريحتك ….
صوت المطر…
 و القمر يلي بضو وجهك منتلي… !!!

و حتى أغاني الريح وصواتا العميقة …

ال حلت زرار الشبابيك العتيقة…
و ضوجت بجموحها عطر الحقيقة…
و الخزامى  المخملي … !!!

معقول يحلى السهر..
ع خدود قلبك والقمر..
و تقول ” يا بنت إعقلي ” …
وشمك …
و حس الكون بجنونه إلي … !!!
.
لأْ مو طبيعي إنت…
حتى بضحكتك…
تهبط صهيل الخيل ع تياب الوقت
و من دون عجقة و ع السكت…
و شو بعد فيك …
 يا قصايد تغزلي … ؟؟!!!

حاجي بقا…
ضلك معي
و يا هالقصيدة…
تكملي … !

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: