الأربعاء , نوفمبر 25 2020

مد وجزر….قصيده للشاعر محمد غانم

شفتك ع شط البحر فرحاني
عم ترقصي ع نغم أحزاني
الموجات بتجبلك معا أسرار
بتذكرك ذكرى عمر فاني
الرملات منك ياحلا بتغار
من محبتي وعشقي وتحناني
وزرارصدرك فتحوأزهار
زرين فكي بشوف رمانـي
وياماغرقنا بمية الأمطار
والخيرزاد برزق ربانــي
كبرتي حليتي شاءت الأقدار
تروحي هريبي مع رجل تاني
وليلة هروبك ياحــــلا بنهار
شــــــفتك بنومي كتير ندماني
شارده بتتذكري شـــــوصار
بلحظة غضب وقلوب يئساني
حاولت عود وجمع الأفكـار
وصوّر حلاكي بصورقصداني
الطبّال والعــــــوّادوالزمّار
بحفلة سمربيرددوغنانــــــــــي
ونقطة تلاقي البحربالأنهـار
خلطة ملح مع مي حليانـــــــي
بيذكروني يوم كنّاصغــــار
نغني ع دلعوناوعلى المانــــــي
وتحت شجرتناحدباب الدار
ســـهرات أهلي وكل خلّانـــــي
بيحكو قصص بيرددوأشعار
وكاساتهم بالحب مليانــــــــــي
وحكايا شهرزادلشهريـــــار
بألف ليله وليل سهرانـــــــــي
وقصيدة قيس وعنترة تذكار
ل قلوب بالهجران علقانـــي
وأحلى الزّهـــورالفتحا نوّار
كل العسل منّاالنحل جانــــي
فيه الشّـــــفا للطفل للختيار
ل كل شب الحب بيعانــــــي
وعصفورمن سجنوبمحبّة طار
ع الحبّ بجناحات تعبانـــــي
سرحان شارد والجسم منهار
حامل معوكاسات وقنانـــــــي
بصحوة جميلة والزمن دوّار
دخلت لعندي بشوق ولهانـــي
صرخت رجعتلك يازين الدار
تيابامبللة بالدمع غرقانــــــــــي
هدّد بقتلي وخطفني الجـــزّار
وحاول يدنّس شرف إنسانــــــي
لكن بضعفو وقوّة الجـــــبّار
وصبري ع قهري وكل إيمانـــي
م تمكّن يلوتني بوصمة عار
بصدقي ووفائي الرّب نجانـــــــي
جايي ل عندك حبّك بإصرار
وضمّك ع صدري الهجرأضنانــي
نفرح ســــــواونزيد بالإعمار
نعمّربيتنا بكلمات ومعانــــــــــــــي
ولومرمرّا بالعمرســــــــنّمار
وعمّرقصربتخطيط عمرانــــــــــي
بيضــــــل بيتك أجمل بمقدار
من بيوت معروفة ومنصانـــــــــي
بلهفة محبّي ياحلابعدالحوار
بقررقراري بشوق وجدانـــــــــــي
بحبّك بعادي البدلوالأخــبار
وحكيوعليكي بحقد شيطانـــــــــــي
قومي حلامشي معي مشوار
وغلّي بقلبي بدم شريانـــــــــــــــي
بعمم حلاكي فوق شعلة نار
ونوّربشعلي بيوت عتمانــــــــــــي
نسكر سوامن خمرة الخمّار
ونرقص فرح ع نغم ألحانــــــــــي
نوقّع عقدنا ويشهد المختار
نروي بمحبّي قلوب عطشانــــــــي
نكلّل عرسنابياسمين وغار
وحلقات دبكي بفرح عمرانـــــــــي
جبلك هدايامن الدهب قنطار
وماسات متل نجوم لمعانــــــــــــي
نسافربرحلة نرافق البحّار
بمد وجزرالموجات هيجانــــــــــــي
قالت ياروحي هالزّمن غدّار
ياخوفتي من القرب تنسانـــــــــــــي
تراجع بعقلك شوحكى الثرثار
وعنّي شوقالوبحقدجيرانـــــــــــــي
بقلّك وصادق ياحــلا الأقمار
بأعلى سماوع الأرض ضويانــــي
دمّي بعشقك دافق وفوّار
وروحي من الهجران ضجرانــــــي
وم بادل بورد المحبي زرار
لوضاع عمري بحب ســـــــت الكل
وملكة عبيرالكون تهواني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: