الأحد , سبتمبر 27 2020

وساكت_ليه ….قصيده للشاعر محمد سعيد

مفتتح ..

وقادر حرفك المغبون

يشد الكسرة تحت النون

وتنفخ .. ملو أوجاعك

تلاقى الشعر دوغرى يكون
وساكت ليه يا ابو التفانين
ولابس عِــمة التصديق
وكابس بالنفس روحك
وحبه بحبه زاد الضيق
يا عم الكدب له .. رجلين
وصار يمشى 
ف كل طريق
حمارتى العارجه بتعاند
وانا ساند يا دوب بالكد
وجد الجد بعشقها 
ومعشوقها البعيد ..
غفـــلان
يا عم سيبنى مش ناقصك
ولا ناقص
أتوه فى حارة الغربان 
تاويت عشقى ف شوارعها 
 وصلت روحى وجوارحى 
على ترابها .. جوامعها
وشلت جمالها وجلالها
فى أأمن حته ..
ف الشريان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: