الإثنين , نوفمبر 30 2020

دينا الصياد تكتب علي الفيس …..حالنا في سطور

الراجل اللي قدام المستشفى بيعيط و يسب و يلعن في المستشفيات و الدكاتره علشان مارضيوش يستقبلوا أبنه اللي عمل حادثه غير لما يدفع مبلغ و قدره، هو نفسه الموظف اللي بيجي شغله متأخر و مصلحتك مش بتخلص غير لما تحطله “الشاي” في درج مكتبه المفتوح .. والشاب اللي خارج من عند الموظف دا وهو بيضرب كف بكف على البلد اللي مابتمشيش غير بالرشاوي والفساد، هو نفسه المدرس اللي دخل الفصل النهاردة و طرد الولاد اللي مابتخدش عنده درس !! و أبو الولد اللي إطرد ابنه و قاعد يحسبن على كل المدرسيين و على التعليم في البلد، هو هو أمين الشرطة اللي عدى عربيه مرسيديس مخالفة لما صاحبها كرمشله ٥٠ جنيه في جيبه. صاحب العربية المرسيديس اللي بيشتكي من فساد الشرطة و أزمه الموصلات في البلد هو صاحب المستشفى اللي مرضيتش تستقبل إبن الموظف الأولاني اللي مات…
“لا يغير الله بقوم حتى يغيروا ما بأنفسهم”

 
 
 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: