الأربعاء , نوفمبر 25 2020

مصراللي محدش شايفها….قصيده للشاعر سيد فيشه

مصراللي محدش شايفها
يااخوانا
مش هي الزمالك
ولاجاردن سيتي
ولاالعجوزة والمهندسين
مصر مش أبراج عالنيل
وفلل أكابر من دورين
بتطل علي مراكب
فوق المية بتمخطر
ولاعربيات أخر موديل
قدام عمارات
بتنطح السحاب
لغاية مالدنيا تمطر
مصر يااخوانا
هناااك بعيد
علي هامش الشريط
الأخضر
مصر بحري والصعيد
وناس عايشة
علي القريش
والجعضيد
والسريس الأخضر
مصر ياناس عملة
بوشين
وش غلبان بريحة الطين
ووش بارفان ولافندر
وسيمون فاميه
وباتون ساليه
وعيش عالتوستر
مصر يااخوانا
ناس شقيانة بتنحت
في الصخر
وعالرزق تدور وتفحر
وناس جوانتي وخايفة
لاتتعور
عطلانة بالوراثة
وعالشقيان تتأمر
وزي مابقدرة الله
أتقابل البحر مع النيل
من غير طعم المية
ماهيتغير
هتفضل بين الزمالك
وبولاق
يدوب كوبري صغير
وهي دي مصر الفراعنة ياعبلة
مصر اللي عمرها ماهتتغير

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: