السبت , ديسمبر 5 2020

واذابكفك ل خدي بتصفعيني…..قصيده للشاعر محمد غانم

طلبت منك بكفك ..تصفعيني

……………………….حتى تملكي قلبي رهيني
وخلّي كفك يعلّم …….بخدّي
……………………….دخيلك ياحياتي …وجعيني
لأنو الكّف منك متل….. قبلّي
……………………….واذا قبلتي بكفك ….قبليني
صار اليوم. عندي …يا ملاكي
…………………….ذكرى مدوني بخدي اليميني
وكل ما وقّفت تا شوف حالي
………………………..قبال مرايتي برفع ..جبيني
جايّي زورك بها الليل .وحدي
…………………….واذا طلبتك ياروحي طاوعيني
لاتقسي بقلبك عليّي . لأني
……………………….أنا رهن الاشاره …جربيني
اسمحيلي مد ايدّيي بقبشك
……………………..واذا رغبتي ع تمي بوسيني
واذا بدّك ظلام اللّيل …….نوّر
……………………….بنور عيونك بنوّر…….مديني
واذا قصدتي قصيدة حب بنشر
……………………..حروفك بالمحبّي …. نقليني
أنا اللّي علّمت ……أيوب يصبر
……………………..كاس المر…..هاتي شربيني
وأنا الجّيتك فوق.. حصان أجرّب
……………………..جايّي أخدك ……..لاتعذبيتي
وأنا اللّي علّمت آدم ……وحوا
……………………..كيف الحب لا…….لاتكذبيني
واذا بدّك لفوق كتير……. اظلّع
……………………..فيكي للعلالي ……تطلعيني
واذا بمسك بخصرّك …هالمزنر
………………………فيكي بالقشاط ……تزنريني
وكل النّاس قالو اليوم …..عنك
………………………مانك ظالمي….. لاتظلميني
حبي تضحيّي وايمان… فيكي
………………………واذا صليتلك …….لاتكفريني
فيكي تقلبي الدنيا …بجمالك
……………………وفيكي ضمن قلبك تحبسيني
وقيكي تعملي فيّي اللّي بدك
……………………متل شعرا بعجيني.تسحبيني
وفيكي تعمليني متل …..عنتر
………………………وفيكي للحضيض …تنزليني
وفيكي تصبحيني … هالمختيّر
………………………وطفل ببّو فيكي …ترجعيني
فيكي تربعيني لعرش …..قيصر
……………………..وبعد لحظه فيكي …تعزليني
وفيكي تعمليني…… ورد أحمر
………………………بمحلات الزهور ……تبيعيني
وفيكي ترجعيني من …مماتي
…………………….اذا بكفك لخدي ….بتصفعيني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: