د. سحر عيسى تكتب : خبيرة الأبراج عندما تتكلم !!

( خبيرة الأبراج ) قالت امبارح بتوع برج الحمل يومهم بكرة زفت !!  
وبتوع الطور بلاش يجوزوا السنة دي،
وبتوع العقرب حظهم وحش بس احتمال يتحسن أخر السنة،
وبتوع الميزان مزاجهم مش كويس وياخدوا بالهم فيه تقلبات هتحصل
( يعني من الآخر كل الناس نكد)،،
وبعد ما خلصت القمر كلامها اتصلت واحدة قالت لها :
ابني اسمه محمد وبرج العقرب عايزة اعرف هيجيب كم في الثانوية؟!
فالخبيرة قالت لها محمد متوتر ومش مركز صح؟!
 الست فرحت واندهشت كيف عرفت هذه الأسرار  !!
 الجميل كمان ان الخبيرة قالت عشان تعرف برجك صح
لازم تعرف اتولدت الساعة كم بالدقيقة والثانية لأنها بتفرق ،،
ياااااه انا مبسوطة ان اعلامنا متقدم جداً في الجهل والهيافة وقلة العقل
أرشح الست دي لوزارة الري !!