الإثنين , سبتمبر 28 2020

خليك مكانى…………….قصيدة للشاعر محمد وجيه

خليك مكانى
خليك مكانى …………. هتعمل ايه
ف قلبه الانانى………. ودموع عينيه
لما تكون فرحان بحبك ليه
ويجى يهد كل امل تبنيه
وتسامحه لانك عايش بيه
ويرجع تانى يجرح قلبك والحب اللى ماليه
……………. هتعمل ايه……………
خليك مكانى……….. هتعمل ايه
لما تشوف ايامك بتضيع فى هواه
وبرغم قساوته مش عارف تنساه
وكل كلامه يقولك انك مش عايش جواه
وفجأ تحس انك غريب جوه الحياه
………….. هتعمل ايه…………
خليك مكانى………. هتعمل ايه
لما يدوب قلبك م الجرح اللى كواه
وتقول لقلبك انسى وتدور على دواه
يرجع هو يقولك انك عمره ودنياه
ودموعه تنزل اودام عينك والندم وياه
…………………. هتعمل ايه………
خليك مكانى…… هتعمل ايه
على طول بتسامح علشان حبك ليه
ويهون جرحك لما تشوف دموع فى عينيه
ويشتاق تانى لجرحك اللى اتعودت عليه
وشايف حبك ضعف وقلبك لعبه فى ايديه
…………… هتعمل ايه……………
خليك مكانى………… هتعمل ايه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: