السبت , سبتمبر 26 2020
أخبار عاجلة

باغير عليك….شعر دعاء عبد الوهاب

باغير عليك

من كل عين تلمح عينيك

من صوت ينادى بشوق عليك

من إيد تطوِّل ف السلام

أو طيف يزورك ف المنام

من نظرة هايمة و قصدها
قال إيه تركز ف الكلام !!
باغير عليك
من كل حاجة بتشغلك
من أى ماضى يحنلك
و الضُم حروفى بالسكات
و ادارى عينى لتسألك
باغير عليك و ارجع و اقول
ميهمنيش كل القلوب المشتاقين
كل العيون السهرانين
ما هو كلهم عشقوا القمر
بس القمر بيحب مين ؟ 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: