الإثنين , سبتمبر 21 2020

ماء ياخروف…..شعر فاطمه السيد

ماء ماء ماء ياخروف

هنا إستني إعمل معروف

جايبالك برسيم ويايا

تاكل تسمن تبقي حكايه
وأما أناديلك تجري ورايا
من غير خشا ولا حتي كسوف
ماء ماء ماء ياخروف
*********
قول ياخروفي ومتخبيش
تاكل دره ولا تاكل عيش
دي رقبتك حلوه وطعامه
وهاكلها مع بابا وماما
ولحمك سكر سنترفيش
ماء ماء ماء ياخروف
**********
لابس فروه جميله وحلوه
وعيونك سوده وميت غنوه
ومقلبظ والعود ملفوف
وأنا وصحابي نلف نشوف
ماء ماء ماء ياخروف
***********
ألبس فستاني وأغني
يشوفوني اصحابي متهني
وأرقص وأسقف بكفوف
ما انا مع بابا الكعبه بطوف
يدعيلي وبأحلي حروف
ماء ماء ماء ياخروف
**********
بناديلك وأنت بتسمعني
تجري بعيد وكمان تمنعني
ينده بابا ويشجعني
لأجل ماضحي ومن غير خوف
ماء ماء ماء ياخروف
***********
التلت أهديه هنا لجيراني
وأتصدق بالتلت التاني
أما التلت الباقي عشاني
قاصد خير وكمان معروف
ماء ماء ماء ياخروف

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: