الجمعة , سبتمبر 18 2020

عن بنت شبه البحر….ِشعر احمد الخدرجي

عن بنت شبه البحر
عن شعرها الموج الشرس
عن ضحكه طالع منَّها عصافير
تنقُر ف قلب المُستحيل
فتحَوَّله لممكن أوي
تنقُر ف تفاصيل العدم
يصبح وجود
عن ضحكه بتعدي الحدود
و تنط من فوق الكمين
و تسهي روحي و تنشبك في شفايفي غصب
عني أنا …
ساعة ما قالت بعشقَك
عن رقصة الناس اللي جوَّه الذاكره
كونشيرتو و ابتهالات و ورد
و أرض طالعه للسما
و سموات بتنزل بالغُنا ع الأرض
الدنيا حر ؟؟؟
الدنيا برد ؟؟؟
الدنيا ليها مناخ جديد انا معرفوش
الدنيا منقوعه ف ماورد 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: