الخميس , أكتوبر 1 2020

حلم و له ضفاير….شعر ايمن الدسوقي

حلم و له ضفاير
أنا بأسرقك 
من كل فكرة 
من طيف و ذكرى
من حتى بكرة

لو ييجي مني يسرقك
و لو فاضللي 
من عمري كله
اللي في ضلي
أنا بأنسى عمري و أعشقك

لما بأسرح في عينيكي
و غصب عني
نظرة مني تشتهيكي
و تناجيكي
عن حكاية من زمان
كنتي فيها ست حسن 
و كنت فيها برضه ليكي
يبتدي خوفك عليا
يبتدي خوفي ماليكي

أبدأ أبعد بعيوني
و أخبي من عينك حنيني
و تسأليني
تسأليني !!
ما أنتي عارفة أيه ماليني

جوايا طوفان م المشاعر
جوه مني قلبي حاير
يبعد ؟…يقرب ؟؟
و لا يفضل جوه دنيا الحلم طاير
صدقيني لسه حاير
مليون سؤال ..و أحتمال
بين الممكن ..و المحال
و الأكيد ..
أن قبلك عمري عدى
و أنتي حلم و له ضفاير !!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: