جريدة العربى اليوم الاخبارية
في المسيرة
إيد ورجل وعين وراس
كانوا تحت مداس
شظايا
قلبي لسه هناك هاتوه
نفضوه واقروا له آية
من تبارك
قلبي يا ترقوه يا يفضل
لابسه جنّي
كل يوم فيه حاجة منّي
بيقطعوها
رجعوها رجلي مطرح
رجلي تاني
رجّعوها
إيدي تزرع تاني ورد
تسقي عطش الورد
روح
جرحي وردة\
شوقي وردة
والعطش ف عنيا أهدى
كل عاشق باكي باقة
قلبي كان بيت للحيارى المتعبين
لبّسوه ياقه وقميص مجنون
وطبل ف المسيرة
