جريدة العربى اليوم الاخبارية
لما تقعد بين إيديا
يبقى همى كله راحتك
و انت تستعرض .. براحتك
تحكى عن نصرك و فتّحك
تحكى ع الغزوة اللى جاية
.
صالبة عودى و اتقسملك
يبكى قلبى و ابتسملك
زينتى كاملة و اترسملك
زهرة عاشقة المزهرية
لما تغفى شوية منى
أنسحب بهدوء قاتلنى
للمرايا أسألها عنى
مش شايفنى ؟
أيه ناقصنى ؟
والقُط الدمعة فى عنية
المهم تكون قصادى
غيمة حتعدى و عادى
ابقى ساكتة
تبقى راضى
وبرضاك انا مكتفية
.
أرجع أقعد جنب منك
بـُكرة تزهق م الحرملك
و أبقى وحدى جوة قلبك
مانت وصفك ليا ” غالية “
و كل ” غالية ” مدارية
مش مهم
مش قضية
