جريدة العربى اليوم الاخبارية
عشقت الشوارع ورسم البيوت
عشقتك بقولها ومن أعلي صوت
يامصر يابلدي يارمز الصمود
بحبك وحبك دا مالي الوجود
وبيني وبينك حكاوي وزمان
رويتي وسقيتي بإيدك جنان
عشطنا وشربنا بعدنا وقربنا
ونيلك حبيبنا وكنز وأمان
دروبك ريحتها بتشفى العليل
و ذكري بعشها فـ عمري الطويل
آبية وقوية وعايشة عفية
وحافظة الهوية يارمزي ودليل
مكانك في قلبي وطعم البيوت
حقيقة مابينا لا يمكن تموت
تاريخك كفاح طوريه وسلاح
ولسه البراح مايعرف سكوت
فـ حضنك بلاقي الدفا والأمان
وجوه عيونك لمست الحنان
ياصابرة ونديَّة ياحلمي اللي فيا
دروبك بهية فـ طول الزمان
علي شاط نيلك واخديني النسيم
ولون المزارع وقلبي يهيم
جنوبي وشمالي يميني وشمالي
بتحضن عينيكي وتدعي الكريم
