السبت , فبراير 27 2021

محمد شمروخ يكتب علي الفيس …..”اشرب وانسى وغطيني وصوتى يا مصر”

معقول علاقة مصر تصل مع نيجيريا إنها تتغلب مخصوص علشان ننسى ونغطي قصة الطيارة اللي اتعملت علشان ننسى قصة عزل هشام جنينة اللى اتعزل علشان ننسى قصة رجوع الزند اللى اتعملت علشان ننسى قصة عصابة ريجينى اللي اتعملت علشان ننسى قصة استقالة الزند اللي اتعملت علشان ننسى قتل ريجيني اللى اتعمل علشان ننسى ذكرى الثورة اللي اتعملت علشان ننسى ارتفاع الدولار اللى اتعمل علشان ننسى حوادث سينا اللي اتعملت علشان نغطى على حبس الثوار اللي اتعملت علشان ننسى 30 يونيو اللى اتعملت علشان ننسى فشل 25 يناير اللى اتعملت علشان مشروع التوريث اللي اتعمل علشان ننسى الخصحصة اللى اتعملت علشان ننسى كامب ديفيد اللى اتعملت علشان ننسى 17 و18 يناير اللى اتعملت علشان ننسى الانفتاح اللى اتعمل علشان ننسى استكمال تحرير سينا اللى بعد 73 اللى اتعملت علشان ننسى 67 اللى اتعملت علشان ننسى فشل القطاع العام اللى اتعمل علشان ننسى آثار التأميم على اللى اتعمل علشان ننسى عزل فاروق اللى اتعمل علشان ننسى هزيمة 48 اللى اتعملت علشان ننسى فساد الملك اللى اتعمل علشان ننسى آثار الحرب العالمية اللى اتعملت علشان ننسى ونغطي على فشل مصر في الوصول لكاس العالم 38 اللى اتعمل علشان ييجي يوم وعقلية الشعب المصري تفسر كل حاجة كده.. والنعمة والنعمة والنعمة تالت.. احنا عالم رايق ومش محتاجين نشرب علشان ننسى ولا نغطي.. بس غطيني وصوتى علشان أنسى…. ووووووووووووو

 
 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: