تفتكر القلب يرجع كما كان أوله ….قصيده للشاعر أحمد طليس

تفتكر القلب يرجع كما كان أوله
ممكن جراحة عاجلة
تفتكر. .يرجع لي تاني صاغ سليم
عم يا جراح ابوس اديك
قلبي مجروح من سنين
ودموعه دم بينزف كما مجري نيل
كل الليالي مدمدمه
ومعلمة ف كل الشقوق كل الجراح
عم يا جراح خليك خفيف
قلبي ضعيف. .وانجرح
لما غدر بيه الوصيف
طاف بيه الكون ده كله
وراح رماه فوق الرصيف
وقع اتكسر
وكأنه كان حته حجر
عم يا جراح لوقابلك النبض أسأله
انا جرحي مين يتحمله
دنا همسي كنت بأجمله فوق السطور
أكتب قصايد للبشر بتشع نور
اوصف حبيبتي كما .. بدر البدور
وارسمها من كل الحروف
كما ملاك مسحور
اوصفها كما أجمل بنات الحور
أجمل ملاك أجمل ملك
لما ملك
خد قلبي راح بيعذبه
وبيجرحه وبيدبحه
عم ياجراح ممكن سؤال
خلصني منه
هارتاح أنا. .وتريحه ……..