جريدة العربى اليوم الاخبارية
كل الحـــــــــــروف
مابقتش قادرة ع الكلام
حتى القصايد والاغانى
مابقتش عارفة توصفك
ولا ميت ديوان انا هكتبه
فـ حبي ليك راح ينصفك
الشعر مش محتاج علام
مع ان حبك علمه
معنى المحبة والسلام
و نبض قلبي سلمه
جوة فـ عيونك للممات
كل الحاجات
جوايا ليك مستسلمه
كل المعاني صابها الخجل
والصبح شقشق بالامانى
لما التقاك قلبي اكتمل
وليك يا عمري
عمري كله بقدمه
اشيل همك
اكون حبك
اكون بنتك
واكون امك
واكون القلب اللي بيضمك
فانا هوعدك
و وعدي اني هسعدك
و عمري ما هقبل الايام
فـ لحظة حبيبي تبعدك
لاني خلاص لقتني معاك
انا عاشقاك
انا عايزاكـ
انا قدرك و قسمتك
