الأربعاء , مارس 3 2021

نِفسى ….نص ل طلعت سالم

نفسى مصر تبقى دوله ودوله عظمى
مش بقالها سنين تعانى ألف أزمــــــه ؟
نفسى كل الناس تعيـــــــــــــــــــش مطمنين
قلبهم مليان سعاده مش أبالسه ومجرميــــــن
نفسى اعيش عصر النبوَه
مش دمار وخراب وقــــــوَه
نفســـــــــــــــــــــــى تتحل القضيـــــــــــــه ..
اللى راحو سنين عليها ولسه برضو هىّ هىّ
نفسى مالقاش حد نايم ع الرصيـــــــف
ولا واحد ما معهوش حق الرغيــــــــــــف
نفسى اعيش من غير ما اطاطـــــــــــى
لأى واحد إبن هرمه وأصله واطـــــــى
نفسى ترجع الحقوق المستباحــــــــــه
والقى ليّا ف أى حته هناك مساحـــــه
نفسى انزّل حمل شايله فوق كتافــــــى
نفسى اقول ما يغيروش مرّه اعترافـــى
نفسى يخلص من بلدنا أى ذل وأى قهر
نفسى احس بصوت حبيبتى أصله نهـر
نفسى أعبد ربنا ميت ألف جولــــــــه
بس تبقى عباده ما فيهاش أمن دولــــه
نفسى اموت وانا حاسس براحـــــــــــــــــه
موت طبيعى مش بآلات الجراحـــــــــــــه
نفسى اعلّم إبنى تعليم ابتـــــــــــــــكارى
نفسى تخلص من بلدنا مشكلة المــجارى
نفسى نزرع أرضنـــــــا وناكل ف خيرهـــا
نفسى ترجع شمسنا ويغنى طيرهـــــــــــــــا !!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: