طيب قولي لي …..قصيده للشاعر أحمد طليس

طيب قولي لي
أنا كل اما افتح كتاب
التقيكي بين السطور
وكل أما أمسك قلم
يرسمك بالحرف نور
طيب سبيني أرسمك
ملاك الحب من كل العصور
وسبيني أحلم طيف ملامحك
وانقش تاريخ للشوق فوق الصخور
إنتي القصيدة اللي ماراح تنتهي
لو انتهت كل الدهور
حتي لو صاب قلبي الضمور
انا وحدي عايش في معبدي
وانتي محراب السحاب
رغم الغياب
الزمان منك غيور
حتي لو أحلامي مصابة بالفتور
ياشهرزاد التي
طافت كما الموج الذي
فتعطرت كل البحور
متفكريش إنني
هيكون كلامي
لغير بدر البدور
وارسمها نجمة ف السما
وأكتب حروفي سلمه
ورا سلمه. . ورا سلمه
يمكن أطير فوق السحاب
يمكن اخطي دروب سراب
رغم الغياب الذي
خلاني وفيت للندور
وبقيت أدور علي ضروح الأوليا
وأطلب شفاعة كل الأنبياء
وابدأ تراتيل الرجاء
يمكن صفا م الليل
تنفك عقدة م اللسان
وألقي الحنان يكشف المستور
انا اللي عاشق القمر بدر البدور
حورية أجمل من بنات الحور
كفاية شقا. .كفاية بقي
يمكن يكون قلبي كما
فجر الصباح وينسى أكاذيب الغيوب
ماينام ف شوق مقهور
حبيب صحيح. .وكأنك انتي المنتهي
اللي هيروي أحلامي
اللي صارت كما ارض بور ……
…………..