بياع….قصيده للشاعر طلعت رجب

لما هى دى النهايه
ليه كنا ابتدينا
وليه كانت البدايه
—————
يعنى ايه لما ابتدينا
حلوه الدنيا كانت
قدام عينينا
وكنتى نسمة صيف
فى عِز الجفا
ولفحة شمس
بأيام الشتا
ليه فى البدايه
كنتى نعمه
وسكر كانت
من ايديكى اللقمه
حتى بُق الميه
كان حليب
وقلبك كان يساعى
الف حبيب
ليه دا كان فى البدايه
وليه ماكنش فى النهايه
————————–
لما كان مكتوب علينا
نبقى دون العاشقين
قصه ذى اى قصه
تنتهى بينا متفرقين
ليه كنتى بتطعمينى
حلو ومرار
وليه كنتى بتعيشينى
معاكى جنه ونار
——————
انا قلبى حَب لما
داق م الحب حلاوته
والنهارده عايز يفارق اما
ما عادشى يتحمل مرارته
كنتى البدايه
وبرضه انتى النهايه
وكان بأيدك تبقى
اسطوره الحكايه
لكن ياعينى ع العمراللى ضاع
و لا كنش حاسب ان قلبك
فى الهوى بياع