جريدة العربى اليوم الاخبارية
يا أحلى عيون
يا ضحكه بتملى
كل الكون
معاكى الدنيا بتنور
وأشوف الفرحه مليون لون
صباح الخير
يا أحلى جمال وبال خالى
أنا العاشق
وأنا الباقى على حالى
وأنا الصابر على شوقه
وحلم جميل على بالى
صباح مرسوم بلون الفل
وصوره حلوه فى خيالى
صباح الخير
يا أجمل زهرة فى عنيه
ياما إتمنيت
فى أحلامى تكون ليه
وأدينى قضيت
طول العمر مستنى
كأن الدنيا فى إديه
وفى الاخر أنا اللى بقيت
بدور محتار حواليكى
وكل الدنيا حواليه
صباح الخير
بلون الشمس ودفاها
ونسمة فجر تتنفس
وتهمس باللى جواها
وكلمة شوق بتتمنى
تطير توصل لحد بعيد
وتستنى
تجيب الرد وياها
صباح الخير بلون الورد
وكلمة حب
حد إشتاق وقالها لحد
وكان الرد
نظرة عين بتتبسم
ودنيا جديده تتقسم
ما بين إتنين
وزهرة جميله فوق الخد
