حبك كضريح
وانا وحواسى
هنعيشوا دراويش جوة الحضرة
ونقيموا صلاتنا ونتوضئ
من نهر حنانك ونسبح
نشرب زمزم من نور قلبك
راقية مشاعرك ..احساس حبك
ونلف ندور بجناح من نور
يسعى ويتردد من حسنك
تراتيل العشق هغنيها فى مدار حواليك
ورتوش الحب راح ارسمها على ثوب قلبك
وايات الشوق انا هتلوهاعلى سحر عنيك
فيطمن قلبى يبان مبسوط لما يقابلك
وهبخر قلبك من روحى وتكون مسحور
تجنن بيا وتتلهف وتعيش مبهور
ايام اسبوعنا دى مختلفة مش زى الناس
هنعيش ببساطة ويجمعنا اجمل احساس
