كتب وليد شفيق
عبر الإعلامي أسامة كمال، عن عميق حبه وتقديره للرئيس الراحل محمد أنور السادات في مئوية، قائلا :” قلما يجود الزمان بمثله، رجل فقير تحول لأشيك رئيس دولة”.
وأضاف كمال، في برنامجه “مساء dmc”، المذاع عبر شاشة “dmc”، مساء اليوم الثلاثاء، :”ما أكثر التسميات اللى بتطلق عليه، الداهية والتعلب والمخادع الراجل اللى بداياته لا يمكن توحى بالنهايات اللى وصل لها، الزعيم الوطنى محمد أنور السادات “.
وتابع : “أفكار السادات كانت قادرة تعبر بمصر، وتعبر بجيلى وبالأجيال اللى بعدى كل المصاعب اللى بنواجهها النهارده، الجيل الأكبر للأسف ما استوعبش وماكانش على قدر وحجم أفكار الرئيس السادات، ومش محتاج أعيد على ذاكرة المواطنين إن الرئيس السادات أتولد زى النهارده من 100 سنة، وأن بداياته فقيرة جدا، جملة لكتير من شباب مصر اللى شايفين الظروف صعبة للنجاح، باقول تانى بدايات الرئيس السادات الفقيرة جدا، لا توحى أبدا بالنهايات اللى وصل لها بفضل إرادته عشان يبقى رئيس”.
وأكمل :”السادات اللي عاش فترة شبابه القاسية من ظابط جيش لسجين ثم مهن بسيطة، كل ده ما منعوش يتجوز واحدة من جميلات العصر، وده للى بيقولوا الميه ما تطلعش فى العالى، الشاب الأسمر الفقير المرفود من الجيش، لكن أنيق، صعب تطلع غلطة فى لبسه او فى بصاته أو فى طريقة كلامه”.
